Home

[Otistik] May sariling mundo

2 Comments

Alipin

Isang mundong ginagalawan
Isang dikit dikit na paraiso
Isang teknolohiyang hindi makabago
Isang hindi malaman kung totoo

Malaki ito at masalimuot
Malawak at maraming sulok
Hindi maitigil ang pagtutok
Bihag ng sakit sa batok

Hindi na alam ang gagawin
Kung wala ito’y halos mabaliw
Nahihirapan nang paghiwalayin
Ang totoo laban sa kathang isip natin

OO, ikaw ay alipin…
Hindi sa droga, hindi sa alak at hindi sa bisyo
Ikaw ay bihag at alipin
Ng teknolohiyang kung tawagin ay…

INTERNET!

Woot!

Kailan kaya magkakaron ng tamang salitang tagalog para sa Internet?

Hmmm… Ang post na ito ay para sa mga taong hindi na mapaghiwalay ang katotohan sa kathang isip lamang at para sa mga taong hindi mahimay na hindi lahat ng nakakasalamuha nila sa internet ay tanga at nagpapaloko. Gising kapatid. Wala sa internet ang totoong mundo… Nasa Atari* haha!

Nakakabugnot dito sa office 😦

Paliwanag tungkol sa Atari:

Para sa mga hindi nakakaalam…

*Ang Atari ay isang elektronikang laruan na ikinakabit sa telebisyon. Upang makapagliwaliw sa walang humpay na kaligayahan, dapat ay gamitin ang isang istik na may pindutan. Ito ang isa sa pinakamatandang uri ng video game console. Hindi ko na ito naabutan, siguro si Bro. Utoy at si Bluep naabutan pa to, matanda na sila eh! hahaha!

Advertisements

Mga tulang sariling likha (pt.3)

4 Comments

“Tibok”

Sa bawat landas na aking tinahak
Binibilang ang hakbang at mga yapak
Nagdarasal na sana aking makamtan
Kaligayahang aking inaasam-asam

Bawat tibok ng puso’y aking sinundan
Kahit hindi alam ang kahihinatnan
Parang bulag na nasa kadiliman
Kaunting sulyap ay pinagkaitan

Ngunit sa dulo ay mayrong liwanag
At ang pag-asa ay maaaninag
Walang pagsubok na ‘di malalampasan
Dahil puso ang sinunod makita ka lamang

Mga tulang sariling likha (pt.2)

3 Comments

“Bangungot”

Sa bawat sulok ng aking kwarto
Apat na kandila ang siyang nagsilbing liwanag
Upang ang damdamin ay hindi pangunahan ng panglaw
At mapawi ang takot na tangan ng kadiliman

Sa harap ng salamin ako ay tumayo
At nakita ang kahapong aking itinatago
Pikit matang tumalikod upang makita
Ang anino ng taong sa akin ay humusga

Lakas ng loob ang tanging sandata
Tiwala sa sarili ang nagsilbing baluti
Liwanag ng kandila ang nagsilbing mata
Haharapin ang panganib sa harapan ay nakaamba

Pilit itinaboy aninong malaki
Bawat kilos at galaw parang katawan ay nakatali
Sumisigaw ngunit walang boses na lumalabas
Katawang hindi maigalaw kahit magpumiglas

Isang panaginip, na ang diwa ang lumikha
Parang totoo, dala ay pawis at kaba
Pagmulat ay ang laptop ang nakita
Kaya naisulat ang kathang gawa sa wika

(ano ba ang tagalog sa laptop?)

%d bloggers like this: