Gusto ko nang magsulat, wala pa lang akong masyadong oras. Mayroon nga akong mga nailimbag ngunit hindi ko naman ma publush dahil masyadong personal at parte ito ng aking healing process…

Maraming salamat sa mga bumibisita pa rin sa blog ko kahit halos wala na itong laman. Babalik ako ulit, ganun naman palagi… mawawala, babalik, mawawala, babalik… sana sa pagbalik ko ay sa panibagong blog na ako magsusulat.

Marahil ay tama ang ilan kong kaibigan ng sabihin nilang iwan ko na ang pitak kong ito at magsimula na lang ng bago. Wala nang export/import… bukod sa nakakatamad eh parang magdadala lang ako ng mga alaala. Saradong libro kumbaga… bahala na… pag sinipag sigurong maglipat eh ilalagay ko ang piling mga limbag, ngunit ang ilan ay iiwan ko na dito. Magsisilbing bakas ng aking nakaraan. Magulo ang isip ko. Mailipat ko man ang luma sa bago eh wala naman sigurong may pakialam.

Ang kagandahan na nakita ko sa pagtigil sa pagsusulat ay ang kawalan ng taga-basa. Nagsimula kasi ang pitak na ito sa mga personal na bagay, hanggang naging bukas na libro na ang buhay ko dito at marami na ang nakaalam ng aking mga iniisip at saloobin. Magandang makapagsimula akong muli… bagong yugto, bagong bahay, bagong pananaw…

Picture I took 2 weeks ago in a hotel near Dubai World Trade Center

Picture I took 2 weeks ago in a hotel near Dubai World Trade Center

Medyo malaki ang file size ng larawan sa itaas, click niyo na lang kung gusto ninyong makita ng buo, good luck sa pag load! haha!

Paumanhin kung may pupuna sa kuha kong larawan, nasa proseso pa rin ako ng pagaaral ng potograpiya.

Hanggang dito na lang muna…😛