Diet
D-I-E-T
Diet
Kung matagal-tagal ka nang umaaligid sa aking blog, alam mo na siguro na medyo bumubuhat ako ng konti at may sinusunod akong diet at green tea (C2 haha!) Epektib naman dahil kahit papano ay nabawasan akong aking “baby fats” sa tagiliran.
Hindi pa ako nakakapag buhat dito sa dubai, ang tanging exercise ko lang ay noong nagkaroon kami ni petsay, ni tito sonny (tatay ni petsay) at kuya boy (siga ng Satwa) sa Jumeira beach. Matapos ang mahabang lakarin… balik nanaman ako sa pagkain ng nag-uumapaw na kanin at malasang ulam.
Kahapon, pumunta sa kanya-kanyang party ang mga tao dito sa flat namin, Sina tito Sonny at tita Malou ay pumunta sa 1st party ng Dubai chapter ng Adamson alumni. Si ate Jacklyn (tita ni petsay) ay pumunta sa chikka grill kasama si Andrew (pinsan ni petsay) Si Nonoy naman at kuya boy ay wala pa at nasa trabaho pa.
Habang walang tao at kami lang ni Petsay ang natira sa flat…
Nakaisip kami ng isang bagay…
Isang bagay na masarap…
Nakakabusog…
…Shawarma
Ngunit ang shawarma ay panimula pa lang sa nakaambang katakawan na aming pinaplano, nagdesisyon kaming kumain muna ng shawarma bago kami magtungo sa West Zone, Isang 24 hour grocery. Bumili kami ng mga kailangan namin para sa food trip, French fries, Drumstick, at paratha.
Isang mainit na kawali ang sumalubong sa Veggie Paratha (Indian bread) na aming binili, sumunod dito ang french fries at fried chicken.
Pagkain…
Sumunod sa babae…
Yan ang aking weakness…
Hahahahaha!
Talagang nagpagalingan pa kami ni Petsay sa pagpresent ng aming pang foodtrip, siyempre kailangan hindi lang masarap ang lasa, masarap din sa mata.
Masarap magluto, at medyo nakakapaso, ewan ko nga ba kung bakit nananakit yung manitka eh hindi ko naman siya inaano… pero ang foodtrip na ito ang isa sa pinakamalupit…
Dalawang veggie paratha, dalawang drumstick, at isang damukal ng letter french fries. Yan ang aming inihain sa aming sarili, kung makikita sa larawan ay kokonti lang ang nakalagay na french fries sa aking plato, yan ay dahil hindi kasya ang natitirang alpabeto na nakahiwalay sa isang mangkok.
Ang fried chicken, masarap, si petsay ang nagluto at nagtimpla ng pampalasa nito, ang french fries naman at medyo mas masarap lang ng konti sa french fries ng Mcdo, Ngunit ang Veggie Paratha…
Isa lang ang kinain ko… tsk tsk… hindi naman ako racist (masyado) pero lasang indiano siya (kahit hindi pa ako nakakatikim ng taong indiano) at medyo hindi ko kaya yung amoy. Isa lang ang kinaya ko, yung kasunod ay inilipat ko na lang ng lalagyan. Hindi naman masama ang lasa, mas matapang nga lang talaga ang lasa nito kaysa sa batang lumaki sa tondo.
Matapos ang kulitan habang kumakain at nang maubos na ang pagkaing nakahain… isa lang ang aking nasabi…
Pagkatapos niyan, kami ay nagtungo na sa DVD player at TV at nanuod ng prison break DVD na binili ni petsay sa isang indianong nagbebenta ng pirata ng patago. Naalala ko pa rin ang amoy ng paratha… masarap sa una… nakakasawa sa gitna at pag tumagal ay palagay ko ay nakakasuka.
Wala munang diet…
Time out! woot!
Etong sau! =)
WINNER!
I like your photos and how you use them to be consistent with your theme. =)
pare akala ko maruya yan haha. Ang sarap nung french fries. meron pa lang alphabet edition nyan. musta ka na dyan? may tarbahu ka na ba dyan?
haha! wawa naman ang food pinagtripan! pero at least sikat na siya ngayon at naboblog pa! hehe.. honga pala… residence visa ka na ba? o visit visa? naghahanap ka ba ng work dito?
hanep, ayus nga ang food trip niyong yan ni peach! ang galing ng lirato, bravo! uyy bro, ingatan ang katawan at alalahanin ang mala-adonis na muskels! hehehe! ingat lagi.
ahaha, french fries pala yun. akala ko eh chicken nuggets. naalala ko tuloy si kris aquino. tsk tsk.
@Nika - haha pareho tayo. nung una akala ko din chiken nuggets. napaghahalata tuloy na adik tayong dalawa sa chicken nuggets haha
hahahhahaha! sarap nyan ah!
@kuya bluep: O di ba, mukha talagang chicken nuggets. Nuggets ang sarap. Lol. Hahaha hanep, pede talaga tayo magfood trip. Sa fiesta samen sa december dumayo kayo hahaha.
I already added you in my blogroll. Astig! =)
Share mo naman po sa amin details ng diet mo? With C2 panalo to! =) I am also trying to lose excess weight waaaa!
wah! nakakagutom naman yang foodtrip nyo ni peach!
nakakamiss naman makipagfoodtripan —
hay naalala ko tuloy yung foodtrip ntn b4 k lumipad– yung chuva, pilipit, mannga, chami, at fit n ryt–
sana meron din d2 alpabetong prenchprays!– hanap ako mmaya- baka meron sa shopwise! hehehe
keep the pix flowing..=)
aba, alphabet bread! magandang pakulo yan sa pilipinas. magiging mabenta yan sa mga bata at sa mga isip batang tulad… ko.
da best yung last picture. nakakaelib talaga ang mga post mo, bok!
hahahahaha!!! laugh trip pare!! enjoy tlga ko mgbasa ng mga entries mo katunayan sinave ko na tong site mo hahahaha libang trip din eh.. ingat ka jan sa dubai pare! kita kits sa ym =)
ang galing naman….
astig ng mga letters ah! may ganyan pala. dati kasi sa noodles lang.
huwaw! lols galeng ahhh =)) magawa nga yan minsan :>