Today, 3 months na ang blog ko. Salamat sa mga bumibisita at sumisilip sa munting pitak kong ito. 
Salamat sa kapangyarihan ng siyensiya, naretrieve ko ang mga naburang pictures sa memory stick ko gamit ang isang libreng program (na buti na lang at walang virus) galing sa internet na ang pangalan ay Pandora. Sa wakas, matatapos ko na ang post na ito. Malamang ito ang huling post ko habang nasa bansang sinilangan pa ako.
Sabado nang magtungo ako sa bahay nina Bluep, inanyayahan niya kasi ako at ang aking kuya (na kaibigang malapit niya) na mananghalian sa kanilang hacienda. Naghanap ako sa paligid ng kanyang malawak na bakuran ng kabayo, baka kasi maka-libre ako ng horseback riding. hehe! Malawak ang lupain nina Bluep, pero napakasimple niyang tao (hindi bola yan) nais ko na siyang bansagang “Bluepanjeet, Lord of Doring court” na parang si Cedie, ang munting prinsipe kaya lang ay tinawanan niya lang ako. Wala rin akong masabi sa pagkaing inihain sa amin, natuwa ako sapagkat ang mga pagkaing iyon ay hindi ko na matitikman sa dxb kaya mas marami ang ulam ko kaysa sa kanin (diet mode). Matapos ang tanghalian, may bote na agad ng beer kaming hawak na parang may nagbabadyang isang malupit na inuman.
Ang beer pala ay parang panulak lang sa talaga namang nakakabusog na piging! nasundan pa ito ng dalawang malaking bote ng Brandy na inangkat pa mula sa mga kastila. Sadyang ang inumang iyon ay nakakatuwa, puno nang palitan ng mga kuro-kuro, at kwentuhan ng mga kalokohan.
Sa larawan sa itaas, makikita (from left to right) si Bluep, Ako, si Dennis (kaibigan din nina kuya), at ang kuya kong mas mukhang bata pa sakin. Nag-iinuman na kami sa pagkakatong yan, mga bandang alas-2 y medya na ng hapon kinunan ang litratong iyan, hindi pa kami lasing… nakainom lang…
Ngunit nakakahiya (blushing) ang mga sumunod na tagpo…
Sa may di kalayuan, nakarinig ako ng isang tinig…
Isang tinig na dahilan para lumingon ako…
Sa videoke…
Boses ng isang babae… na pinsan pala ni Bluep…
Hindi ako magaling kumanta, nabanggit ko na yan sa iba kong post, pero alam ko kung ano ang pangit at palyadong boses. Sa pagkakataong iyon, hindi ko naiwasang mamangha sa malamig at napakagaling na boses ng pinsan ni Bluep na itago na lang natin sa pangalang Jemae.
Hindi ko rin maiwasang lumingon hanggang mahalata na ako ni Dennis at biniro ako na wag na daw akong pumunta ng dxb dahil nandito na daw sa harapan ko ang dahilan. hahaha! At dahil sa kantiyaw at “setup” sakin ng kuya ko, ni Bluep at ni Dennis, napa-duet tuloy ako sa kanya. Naging crush ko tuloy siya agad. haha!
Hindi ako balladeer at hindi ako sanay makipag-duet pag kumakanta. Pero naging madali ang lahat dahil nakainom ako, medyo malakas ang loob… hahaha!
Hindi ko maiwasang ngumiti… Bakit kaya?
…Hindi ko maiwasang ngumiti dahil minsan lang ako nakipag-duet, tapos napakagaling pa. Hindi rin ako masyadong lumalapit sa kanya, hindi dahil mahiyain ako, kundi dahil nangingitim ako lalo pag pinagtabi kami. huhuhu! Pero pramis! ang galing niya.
Hmm… nag pramis ako sa sarili ko na hindi ako mag-oopen ng mga ganyang topic sa blog ko. This one is an exemption.
Natapos ang inuman sa bahay nina Bluep ng nakita ko sa aking relo na 7:30 na ng gabi. May pa despedida sakin ang kaibigan ko, isang surprise na nalaman ko rin naman dahil sa galing ng aking radar.
Nahihilo ako ng biglang may nagdoorbell sa aming bahay, si jobel pala ay nasa labas na. Wala pang 15 minutes, dumating na ang iba ko pang kaibigan na may dalang isang cake… Speechless ako nang makita ko ang cake na ibinigay nila… Natuwa ako sa nakasulat…
Maraming salamat sa inyo!
Nagulat ako sa nakasulat… at may mapa pa ng Pilipinas! Salamat talaga!
Kainan na! medyo matitino pa sila sa larawang yan… wala pang alak. hehe!
Sa larawan sa itaas, makikita ang keyk na napapalibutan ng makukulay na prutas. Yummy!
Hindi ako “bias” at mas lalong wala akong favoritism, nagkataon lang na sa picture na ito, si emoboyblue nanaman ang “bida” ang pogi kasi niyang nilalang na yan. Kaya mapapansin ninyo na ayaw kong tumabi sa kanya… yan ay dahil pumapangit ako. hahaha!
Nais ko rin magpasalamat kay Benjie alyas bulutong dahil sa iaaalay sana niyang wine sakin. Sayang lang at na-confine siya. Pagaling ka pare!
Hindi ako magbabanggit ng kung anu-ano pang paligoy ligoy para sa mga kaibigan kong ito, sila rin kasi ang ipopost ko sa mga darating na araw… isang sentence lang… “Mamimiss ko sila…”
From left to right > Meyn, Duduy, Pure, Em, Alfie, Marc, RB, Ako, Karen, Allan, Roi, Jobel, Gsel, Raquel. Si Andre ang kumuha ng “kodak” kaya wala siya sa picture. Hindi ko alam kung sinasadya yun kasi may timer naman yung camera eh… hahaha!
Hindi ko akalaing ganito karami ang pupunta, pero sa totoo lang, halos kalahati pa lang yan ng barkada, ang iba ay nasa maynila, nagtatrabaho, nasa ibang bansa… nauubos na kami isa-isa… pero matibay pa rin… “SOLID”
At para sa grand finale… ang larawang ito ang magpapatunay na kahit na ilang oras na ang nakaraan ay may “tama” pa rin ang alak na ininom ko sa bahay nina Bluep…
Si Andre at Arbby, tulog na… ganyan naman palagi sila, nag-iinom tpos matutulog kaya sanay na kami.
Para sa lahat ng pumunta, maraming salamat! Salamat din kay Bluep sa pag-imbita sa Fiesta!
haha hindi pa ako lashing sa kuha ko sa taas kaya desente pa. yung kuha ko nung gabi ang grabe ang hitsura ko. para akong reypist sa sobra kalasingan.
blush blush blush haha. actually bagay boses nyo ni Mae-mae. Gulat nga kami kumanta ka ng ballad haha. ni request pa ng magulang haha.
Ang galing ng tabarkads mo at sa blog mo pa pinangalan ang cake.. haha ayos galing.
hmm pag ako kaya umalis papunta zimbabwe ano kaya ilalagay sa cake ko: BLUEPANJEET - DEAD ON ARRIVAL! nyahaha
pare mamimiss ka namin nina peter pati na ng mga kabarkada mo. yung tribute ko sayo sa OTWOMD sa darating na mga araw haha gusto ko unexpected LOL ingat pare sa dxb.
Prayers here for your safe trip…
@Bluep, Salamat sa suporta at sa prayers, sa kaunting panahon na nagkaharap tayo at nagkausap, nahulog ang loob ko sa iyo… hahaha! Ingat palagi bluep! At hayaan mo na lang muna akong mag blush… yan na lang ang kaligayahan ko ngayon.. ang mag blush! hahaha!
masaya nga po kayo. maganda yong crush nyo
salamat sa dalaw
uuuyyyyy… bagay sila… mamimiss ka rin namin…
Happy 3rd monthsary Eto ang sa’yo!! At napakahusay mo talagang pumili sir halos wala ka ng nanaisin pa sa buhay pag siya ang nakatuluyan mo.. hehe!! Goodluck sa ‘paglipad’ nawa ay doon mo matagpuan lahat ng kasagutan sa mga tanong mo. Kami ay susubaybay sa mala soap opera mo na buhay na itinatago mo sa ilalim ng iyong shades na sumasalamin sa iyong pagkatao. Mabuhay ka kaibigan!!
At ang sexy naman nung last pix!!! Hayup sa legs nakaka turn on..
aalis k na? gudluck po=)
in fairness, ang kinis ng legs mo…hihi
san ka ba pupunta? di ka manlang nagpaalam. . .hehehe. . kahit nasan ka man pare. . malapit ka parin sa buhay namen. . walang kapalit at nagiisan mico lang. . wala ng iba!! kita kits nalang dun next year!!
mix yari ka may video pala kayo ni mae haha. eto kabibigay lang saken ni ate yung CD. iuupload ko pag nasa Dxb ka na LOL kuha mula umpisa hanggang huli nung kanta LOL
Mix noong umalis ako sa Pilipinas alam kong marami akong maiiwang ala-ala, lalo na yung mga naging kaibigan ko ng mahabang panahon kaya kahit papano pilit kopa din silang hinahanap at gustong makausap ayoko lang makalimot at ayaw ko ding malimutan nila ako.. kaya kapag andun kana sa DUBAI.. wag ka lang makakalimot pare at always believe in god, at alam mo naman kung papano moko mahahagilap diba? lalo na ngayun may sarili na akong laptop hehehe.. Tol,pare,kapatid,kaibigan goodluck sa bago mong buhay sa gitnang silangan! MABUHAY KA MIX! at MABUHAY DIN ANG BLOG MO! ALRIGHT!
micoooooooo!!! wahh….. miss na agad kta—- kulang tlga pag wala ka sa barkada—- hay– see you next year! =)
xoxo
kinanta nyo ba ay “bakit ngayon ka lang”? ahihihi…welcome sa dxb…pagdating mo dito paalis naman ako…ahuhuhu
naku.. ngayon lang ako napadaan ditO pero gusto pa kitang makilala.. :p
kamukha mo si Luke Mejares
happy 3rd blogmonth!
i concede. kabug ako sa legs mo kuya.
touched by belo na rin ba ang drama mo?
ikaw ang pinaka cute sa lahat
Maraming salamat sa inyong lahat na nag-iwan ng komento lalo na sa mataba kong legs… hahaha! mmwwaahh!
Bwahahahahah,,,,enjoy ninyo..galing!..eto sa’yo!..kaya yan ang napala mo!….
mix emotions ang feeling ko kuya mix..hahhahahaha
[...] ko alam kung nagbabago na ba ako, hindi kasi ako ganito bago ako pumunta ng Dubai. Naalala ko noong despedida ko, isa-isa kong pinagmamasdan ang aking mga kaibigan, ninanamnam ko ang bawat sandali na kasama ko [...]
[...] ITO ANG BUONG POST NG MGA NANGYARI NOONG ARAW NA IYON [...]